Mshambuliaji wa zamani wa Simba Adam Salamba anacheza klabu ya Al Jahra Sc inayoshiriki ligi daraja la kwanza nchini Kuwait
Katika mahojiano aliyofanya Mwanahabari Shaffih Dauda, Salamba amesema Katika msimu wa ligi hiyo, klabu yake inaongoza ligi kabla ya kusimama kutokana na janga la Corora
Wamecheza mechi 13 na Salamba akiwa amefunga mabao sita (6) kwenye ligi na mawili (2) kwenye mechi za kirafiki na kufanya jumla ya mabao nane (8) tangu ajiunge na klabu hiyo.
Salamba anasema klabu ya Al Jahra ilianza kumfatilia muda mrefu tangu alipokuwa Uturuki akiwa na klabu ya Simba kwenye maandalizi kwa ajili ya msimu wa 2018/19 na kocha wa timu hiyo kwa pamoja walionesha nia ya kumuhitaji kwenye timu yao ndio maana aliamua kujiunga na klabu hiyo kuliko kwenda sehemu nyingine
Salamba alijiunga na Simba mwaka juzi akitokea klabu ya Lipuli Fc. Alishindwa kutamba kwenye kikosi cha mabingwa hao wa kihistoria kwenye msimu wake wa kwanza kutokana na uwepo wa washambuliaji wakali zaidi yake John Bocco, Meddie Kagere na Emmanuel Okwi
Simba ilimtoa kwa mkopo klabu ya Namungo Fc mwanzoni mwa msimu huu kabla ya kuridhia kumuuza Al Jahra ambako alisaini mkataba wa miaka mitano
