Kiungo Said Khamis Ndemla amejiwekea program ya kujifua ufukweni ili kulinda kiwango chake wakati huu ambao ligi imesimama kutokana na janga la corona
Ndemla aliyedumu Simba kwa misimu nane, amesema mazoezi anayofanya sasa ni kwa ajili ya kumjengea pumzi
Mwamba huyo mwenye 'msuli' wa kuachia makombora makali, mijadala mingi imekuwa ikihoji hatma yake ndani ya kikosi cha mabingwa hao wa nchi
Hata hivyo, Ndemla amewataka wale wanamshauri aondoke Simba watulie kwani ni yeye mwenyewe anayefahamu ni kitu gani anataka
Ndemla amekuwa na nafasi finyu kwenye kikosi cha kwanza lakini kocha Sven vandenbroeck amesema bado anamuhitaji kwenye kikosi chake kutokana na ubora alionao
Amesema kinachomfanya akose nafasi ni ushindani wa namba ulipo Simba na sio kuwa ni mchezaji mbaya
Alimtaka aongeze juhudi ya mazoezi pamoja na kujenga 'fitness' ya mwili ili ajihakikishie nafasi ya kucheza mara kwa mara
