Kocha Mkuu wa Simba Sven Vandenbroeck amesema kikosi chake hakihitaji maboresho makubwa kwa ajili ya msimu ujao
Sven ambaye anasubiri kuhuisha mkataba wake kuendelea kuwanoa mabingwa hao wa nchi, amebainisha kuwa ubora wa kikosi chake unampa matumaini ya kuendelea kufanya vizuri msimu ujao
Amesema katika mapendekezo aliyoupa uongozi wa Simba, hahitaji usajili wa nyota wengi kwa kuwa waliopo wanafanya vizuri
"Ukiangalia kikosi chetu utaona tuna wachezaji wazuri, wapambanaji hivyo hatuna sababu ya kufanya usajili mkubwa isipokuwa kwa nafasi chache zenye mapungufu," amesema Sven
Simba ina kila nafasi ya kutetea ubingwa wake kwa msimu watatu mfululizo hivyo itajihakikishia tiketi ya kushiriki michuano ya ligi ya mabingwa barani Afrika msimu ujao
Usajili utakaofanywa na 'machampion' hao wa nchi, utalenga zaidi michuano hiyo
