Kakolanya afurahia maisha Simba

Mlinda lango wa Simba Beno Kakolanya amesema kuwa ana Amani tangu ajiunge na mabingwa hao wa Tanzania Bara mwanzoni mwa msimu huu akitokea klabu ya Yanga

Kakolanya amesema anapata sapoti kutoka kwa viongozi, wachezaji na mashabiki wa Simba jambo linalompa moyo wa kujituma zaidi

"Maisha ndani ya Simba nayafurahia. Napata ushirikiano kutoka kwa viongozi, wachezaji wenzangu hadi kwa mashabiki, " amesema

Kwa nyakati tofauti, Kakolanya amekuwa akipokezana majukumu la kulilinda lango la Simba na mwenzake Aishi Manula

Kwa sasa anaendelea kufanya mazoezi binafsi kujiweka fiti wakati huu ambao ligi imesimama kutokana na janga la Corona