Mabingwa wa nchi Simba wako kileleni mwa msimamo wa ligi wakiwa na alama 71, ambazo ni alama 17 dhidi ya Azam Fc inayoshika nafasi ya pili
Kama sio ugonjwa wa corona ambao umesitisha shughuli za michezo kote duniani, pengine Simba ingekuwa tayari imeweka kibindoni ubingwa wa tatu mfululizo na wangekuwa wanapigania kuweka rekodi mpya ya kufikisha angalau alama 100
Kama Simba itashinda mechi zote 10 zilizobaki, itaweza kufikisha alama 101 na kuwa timu ya kwanza kufanya hivyo katika soka la Tanzania
Lakini pia, inaweza kuweka rekodi ya tofauti kubwa ya pointi baina yake na timu inayofuata nafasi ya pili
Simba ndio inashikilia rekodi ya kuchukua ubingwa kwa alama nyingi dhidi ya timu inayofuata nafasi ya pili
Msimu wa 2009/10 Simba ilitwaa ubingwa kwa tofauti ya alama 13 dhidi ya Yanga iliyomaliza kwenye nafasi ya pili
Kocha Mkuu wa Simba Sven Vandenbroeck amesema ligi itakaporejea wamepania kufanya vizuri katika michezo yote iliyobaki
