Kiungo fundi wa Simba Jonas Mkude ameendelea kufanya mazoezi binafsi kujiweka sawa kabla ya ligi kurejea
Kwa sasa ligi imesimama kutokana na hofu ya kuenea kwa maambukizi ya virusi vya corona, inavyosababisha ugonjwa wa Covid 19.
Mkude amekuwa akiendelea kufanya mazoezi binafsi katika fukwe za Coco, jijini Dar es Salaam kutokana na program maalum aliyopewa na makocha wake, baada ya Serikali kuzuia shughuli zinazoleta mikusanyiko ya watu kwa lengo la kukabiliana na ugonjwa huo.
Jana kupitia akaunti ya mitandao mabalimbali ya instagrama, kulisambaa video iliyokuwa ikumuonesha Mkude akiwa katika mazoezi makali ya kusaka pumzi.
Katika video hiyo, Mkude alionekana akiwa amefunga kamba tairi la gari kubwa kisha kujifunga kiunoni na kukimbia nao kwenye mchanga.
Hii ni mara ya kwanza kwa Mkude kuonekana hadhari akiwa katika mazoezi tangu Simba ilipovunja kambi yake kikiwa ni sehemu ya agizo la serikali juu ya mapambano dhidi ya ugonjwa Covid 19
Mkude amesema kuwa anafanya mazoezi mara mbili kwa siku, asubuhi na jioni katika kuhakikisha anatekeleza mazoezi aliyoachiwa na benchi la ufundi
