Fraga asubiri mkataba mpya Simba

Mkataba wa kiungo mkabaji Gerson Fraga unamalizika mwishoni mwa msimu na bado mazungumzo ya mkataba mpya bado hayajaanza

Fraga raia wa Brazil ni miongoni mwa wachezaji ambao wanapigiwa chapuo waongezewe mkataba

Upo uwezekano mkubwa mabosi wa Simba watampa mkataba mwingine wa mwaka mmoja nyota huyo aliyeifungia Simba mabao matatu

Lakini hali ni tofauti kwa mwenzake beki wa kati Tairone Da Silva ambaye ni wazi Simba imeamua kuachana nae

Fraga, Tairone na Wilker Da Silva walitua Simba msimu huu ambapo Fraga alitokea nchini India wakati Tairone na Wilker walitokea moja kwa moja Brazil

Wilker aliachwa usajili wa mwezi Januari baada ya kushindwa kuwashawishi mabosi wa klabu ya Simba