Pamoja na ligi kusimama kutokana na janga la corona huku kila Mwananchi akitakiwa kuchukua tahadhari, mabosi wa klabu ya Simba wameendelea kutekeleza majukumu yao kwa tahadhari pia
Afisa Mtendaji Mkuu wa Simba, Senzo Mazingisa, amesema wanaendelea kufanya vikao vya mara kwa mara na benchi la ufundi ili kujiimarisha na kuwa tayari kumalizia msimu.
Asema pia wanahitaji kujiweka tayari na maandalizi ya msimu mpya licha ya kuwapo kwa hofu ya maambukizi ya virusi vya ugonjwa wa corona (COVID 19).
"Covid- 19 imebadilisha utendaji wetu wa kazi wa kila siku, hata namna ya kufanya vikao imekuwa ni changamoto, lakini lazima tutarejea katika maisha yetu ya mpira, tunatakiwa kuwa tayari," amesema
Aliongeza Simba haitaacha kuendelea na mipango yake, ingawa kwa sasa wanafanya majukumu yao kwa njia nyingine.
"Tunaendelea na kazi kama kawaida, mipango yetu haiwezi kusimama, tunaendelea kupeana mwongozo na hatutaacha kuwajulisha wadau wetu kila tunachokifanya kuelekea mwishoni mwa msimu huu"
