Beki wa kushoto wa Simba Gadiel Michael amefichua kuwa kilichomsukuma kuachana na klabu ya Yanga na kujiunga na mabingwa wa nchi, ni kiu ya kushinda mataji na kucheza mashindano makubwa
Siku ya jana haikuwa nzuri kwa beki huyo mahiri baada ya kufiwa na Baba yake Mzazi. Tunampa pole, Mwenye ez Mungu ampe uvumilivu katika kipindi hiki kigumu
Hata hivyo juzi wakati akihojiwa na mashabiki kwenye kipindi cha ChatNa, Gadiel alifichua sababu iliyompeleka Simba
"Ukiangalia uwekezaji mkubwa uliofanywa na Simba, naamini katika kipindi cha miaka 10 klabu itakuwa mbali sana.
"Mimi kama mchezaji nina malengo, hivyo niliangalia na kuona hapa ni mahali sahihi ambapo ninapaswa kuwepo.
"Nilijiunga na Simba wakati timu ikiwa imepata tiketi ya kushiriki michuano ya ligi ya mabingwa. Michuano hii inaweza kuwa sehemu ya kukufanya uonekano zaidi na pengine kupata nafasi ya kwenda kucheza soka nje ya nchi," alisema
"Sijutii kujiunga na Simba kwani naamini niko sehemu sahihi ambapo ntaweza kufikia malengo yangu"
Gadiel ni mmoja wa wachezaji watatu waliojiunga na Simba mwanzoni mwa msimu wakitokea klabu ya Yanga
Wengine ni Ibrahim Ajib aliyekuwa nahodha wa Yanga na mlinda lango Beno Kakolanya ambaye alivunja mkataba wake na timu hiyo baada ya Yanga kushindwa kumlipa mishahara
