Patrick Gakumba ambaye ni Wakala wa mshambuliaji nyota wa Simba Meddie Kagere, amesema mteja wake atacheza hadi watoto wadogo wanaomuita mzee watoke na kumuacha akiendelea kucheza
Gakumba amesema alianza kusikia muda mrefu Kagere akiitwa Mzee lakini kazi yake anayoifanya uwanjani imemfanya asakwe kila mahali
"Tangu wameanza kumsema Kagere amezeeka miaka mitano imepita, na kila wanavyoendelea anafunga"
"Ninachoangalia ni mabao siangalii umri, nilisema sihitaji kumleta mchezaji ambaye ataniaibisha na heshima yangu ikashuka kisa ana umri mdogo," alisema Gakumba
Hivi karibuni Gakumba alidai kuwa klabu ya Levante inayoshiriki ligi kuu ya Hispania, La Liga ilimuuliza mshambuliaji huyo ikitaka kumpa mkataba wa miezi sita
Hata hivyo amesema alikataa dili hilo la muda mfupi akitaka mteja wake apewe mkataba wa kuanzia miaka mawili
Gakumba amesema wako kwenye mazungumzo na uongozi wa Simba kwa ajili ya mkataba mpya
