Corona imevuruga utaratibu wa kazi - Senzo

Mtendaji Mkuu wa Simba Senzo Mazingisa amesema kuwa kwa sasa wanakabiliwa na wakati mgumu kutimiza majukumu yao kutokana na janga la corona

Bosi huyo wa Simba raia wa Afrika Kusini, amesema hata suala la kuitisha mikutano kwa ajili ya kujadili masuala muhimu ya klabu, limekuwa changamoto

"COVID-19 imetufanya tufanye mambo kitofauti, hata mikutano imekuwa changamoto. Lakini pale tutakapohitajika kurejea kwenye soka, tunapaswa kuwa tayari," amesema

Hivi karibuni Senzo alikutana na kocha mkuu wa Simba Sven Vandenbroeck kuweka sawa mipango kadhaa ya kikosi chake