Said Ndemla ni kiungo aliyedumu kwenye kikosi cha Simba kwa muda mrefu licha ya kuwa amekuwa na nafasi finyu kwenye kikosi cha kwanza
Mkataba wake na mabingwa hao wa nchi unamalizika mwishoni mwa msimu lakini mwamba huyo mwenye 'msuli' wa kupiga mashuti makali, amesema anasubiri ofa ya mkataba mwingine Simba
Amesema pamoja na kuwa na mipango ya kwenda kucheza nje ya nchi, ataikiliza kwanza klabu yake ya Simba
"Bado natamani kuendelea kubaki ndani ya Klab ya Simba baada ya mkataba wangu kuisha mwisho wa msimu huu. Nimepata ofa nyingi kutoka vilabu vya Tanzania ila anatamani kucheza soka nje ya nchi ambayo ndio ndoto yangu," amesema
Hivi karibuni kocha Mkuu wa Simba Sven Vandenbroeck alisema kuwa timu yake bado inahitaji huduma ya kiungo huyo
Alisema Ndemla ana kiwango kizuri, kinachomkwamisha kupata nafasi mara kwa mara ni ushindani wa namba uliopo kwenye kikosi chake
Alimtaka nyota huyo aongeze juhudi mazoezini ili kuweza kujihakikishia nafasi kwenye kikosi cha kwanza
