Beki wa pembeni wa Simba Gadiel Michael amesema kwa sasa ni muhimu kwa kila Mtanzania kulinda afya yake kwa kujikinga na maambukizi ya virusi vya Corona
Gadiel ambaye mwishoni mwa wiki alikuwa mgeni kwenye kipindi cha ChatNa kinachoendeshwa na idara ya habari ya klabu ya Simba, amesema pamoja na kuendelea kutekeleza program ya mazoezi aliyoachia na Mwalimu, amekuwa makini kujikinga na ugonjwa huo
"Kwa sasa dunia nzima iko katika mapambano ya ugonjwa corona, hatupaswi kupuuza yale tunayoelekezwa na wataalamu," amesema
"Tunapaswa kuchukua tahadhari na kufuata maelekezo yote yanayotolewa na Serikali ili kulinda usalama wetu. Binafsi nimekuwa nikifanya mazoezi lakini nachukua tahadhari zote muhimu kujikinga"
Nyota aliyetua Simba mwanzoni mwa msimu akitokea klabu ya Yanga, amesema ligi itakaporejea atakuwa fiti kuweza kuisaidia timu yake kufikia malengo waliyojiwekea ambayo ni kutwaa ubingwa kwa msimu wa tatu mfululizo
