Klabu ya Simba inaweza kuongeza mshambuliaji mmoja tu usajili ujao kulingana na mapendekezo ya kocha Sven Vandenbroeck
Mbelgiji huyo ameeleza kuridhishwa na kasi ya washambuliaji wake Meddie Kagere na John Bocco hivyo kutohitaji mabadiliko makubwa katika nafasi hiyo
Aidha kurejea kwa Miraji Athumani aliyekuwa majeruhi kwa muda mrefu, kumempa Sven jeuri ya kuamini kikosi chake kitaendelea kufanya vizuri
Katika mapendekezo yake, Sven ametaka aletewe mshambuliaji atakayekuwa na uwezo kama au zaidi ya hawa waliopo
Simba pia inatarajiwa kuongeza nguvu eneo la ulinzi wa kati ambapo huenda walinzi wawili wakasajiliwa sharti likiwa mmoja awe anatumia mguu wa kushoto
Pia mlinzi wa kulia pamoja na kiungo mkabaji ni nafasi nyingine ambazo zinatarajiwa kuongezewa nguvu
Mabingwa hao wa nchi wana mkakati kabambe wa kukiimarisha kikosi chao kwa ajili ya michuano ya ligi ya mabingwa msimu ujao
