Kinara wa mabao kikosi cha mabingwa wa soka Tanzania Bara, Simba Meddie Kagere anatarajiwa kuongeza mkataba kuendelea kuwatumika wababe hao wa soka la Tanzania
Meneja wa Kagere Patrick Gakumba amethibitisha kuwa tayari mazungumzo ya mkataba mpya kwa mteja wake yamekamilika
Gakumba amesema kila kitu kimekamilika mazungumzo yote yameenda sawa na kichosubiriwa ni malipo na kutia saini kwenye karatasi za mkataba.
Kwa sasa Kagere na Gakumba wote wapo nchini Rwanda kwa mapumziko ya dharura kutokana na homa ya virusi vya Corona ambavyo vinaisumbua dunia nzima.
"Kagere bado yupo Simba na ataendelea kuwa Simba, tupo kwenye hatua za mwisho kabisa kusaini mkataba mpya. Hata kama itatokea ataondoka kwenda timu nyingine basi ataondoka akiwa mchezaji wa Simba," alisema Gakumba.
Kagere bado ana mwaka mmoja kwenye mkataba wake aliosaini mwaka jana
