Kiungo mshambuliaji wa Simba Hassan Dilunga amesema mkataba wake na mabingwa hao wa nchi unamalizika mwishoni mwa msimu lakini tayari mazungumzo ya mkataba mpya yameanza
Dilunga aliyefunga mabao saba kwenye ligi msimu huu, amesema anaamini mazungumzo hayo yatakamilika salama na atasaini mkataba mpya lakini kama hawatafikia makubaliano yuko tayari kurejea Mtibwa Sugar kuliko Yanga
Dilunga amesema uzoefu alioupata wakati akiicheza Yanga misimu minne iliyopita, unamfanya asitamani kurejea tena kuichezea timu hiyo
"Jambo muhimu kwangu ni kupata nafasi ya kucheza. Kama nitashindwa kufikia makubaliano na Simba bora nirudi Mtibwa Sugar kwani wao ndio walionifanya niwe bora," amesema
Gazeti la jana la Mwanaspoti liliripoti kuwa klabu ya Yanga kupitia wadhamini wao GSM wamemuwekea Dilunga dau la Tsh Milioni 80
Mtendaji Mkuu wa Simba Senzo Mazingisa amesema Dilunga atapewa mkataba mpya kuendelea kukipiga Msimbazi
