Beki wa Simba Paschal Wawa amesema baada ya kukaa nje kwa mwezi mzima bila ya kushuka dimbani, tayari amekumbuka mikiki mikiki ya ligi kuu
Ligi Kuu ilisimamishwa March 17 baada ya Serikali kusitisha shughuli zote zinazohusisha mikusanyiko katika jitihada ya kudhibiti maambukizi ya virusi vya COVID-19 nchini
Katazo hilo litaendelea mpaka pale Serikali itakapotangaza vinginevyo
Wawa amesema wanaunga mkono jitihada zinazofanywa na Serikali kwani usalama wa raia ndio jambo muhimu zaidi kuliko kitu kingine
Lakini pia amesema kila mmoja anapaswa kuomba mungu ili janga hilo liweze kumalizika ili maisha yaweze kurejea kama zamani
"Tupo kwenye kipindi kigumu sana lakini tunapaswa kuwa makini na muhimu kwa kila mmoja kuchukua tahadhari na kumuomba Mwenye ez Mungu janga hili limalizike" amesema
Tungependa changamoto hii imalizike salama kwani kama wachezaji tumekumbuka sana majukumu yetu hasa zile purukushani za kusaka matokeo uwanjani, tunaomba mambo yakae sawa ligi irejee"
Ligi ilisimama wakati ambao Simba ilikuwa imebakisha takribani alama 15 iweze kutangaza ubingwa
Katika mechi 10 zilizobaki, Simba inahitaji kushinda mechi tano tu wakiwa kileleni mwa msimamo na alama 71 ambazo ni alama 14 zaidi ya Azam Fc inayofuata nafasi ya pili
