Mkuu wa kitengo cha habari na Mawasiliano klabu ya Simba Haji Manara, amesema michakato yote ya usajili inafanywa kwa umakini mkubwa na taarifa sahihi zitatolewa kupitia kurasa rasmi za habari za klabu ya Simba
Manara amesema taarifa sahihi za usajili wa klabu hiyo zitatolewa na uongozi katika kurasa zake kama ilivyokuwa msimu uliopita
"Sisi hatufanyi usajili hovyohovyo kama wenzetu hata taarifa zetu za usajili sio rahisi kuzipata kama sio mtu wa ndani. Kwa sasa mengi yanayoripotiwa na vyombo vya habari ni tetesi tu ambazo nyingi hazina ukweli wowote. Wanasimba wasubiri wakati mwafaka, kila kitu tutakiweka hadharani kwenye kurasa zetu kama ilivyokuwa mwaka uliopita," amesema Manara
Mashabiki wa klabu ya Simba wana shauku kubwa ya kusikia taarifa za maboresho ya kikosi chao kuelekea michuano ya ligi ya mabingwa msimu ujao
