Manara afafanua mchakato wa Bilioni 20

Afisa Habari wa klabu ya Simba Haji Manara amesema fedha za uwekezeji Bilioni 20 kwa sasa bado hazijawekwa kwenye akaunti ya klabu ya Simba kutokana na kutokamilika kwa mchakato wa uwekezaji

Hata hivyo Manara amesema mchakato huo ukikamilika fedha hizo zitaingizwa kwenye akaunti

"Nawaambia wanachama na mashabiki wa Simba wasiyumbishwe na maneno ya huko mtaani. Simba iko imara na mwekezaji wetu Mohammed Dewji anaendelea kuchapa kazi"

"Klabu ya Simba inaendelea kukamilisha mchakato wa uwekezaji kwa kufuata na sheria za nchi. Mchakato huo ukikamilika fedha za uwekezaji zitaingizwa kwenye akaunti"

"Mo ni mwanahisa namba moja, akimiliki hisa asilimia 49, kampuni tayari imesajiliwa Brella hivyo tuwe na subira"