Chama awatuliza mashabiki Simba

Kiungo fundi wa Simba Clatous Chama amewataka mashabiki wa timu hiyo kupuuza tetesi zinazoendelea kwenye mitandao ya kijamii zinazomuhusisha na klabu ya Yanga kwani hazina ukweli wowote

Chama ambaye yuko kwao nchini Zambia akiendelea na mazoezi binafsi wakati huu ambao ligi imesimama kutokana na janga la corona, amesema bado ana mkataba na klabu ya Simba

"Mimi ni mchezaji halali wa Simba kwani bado mkataba wangu haujamalizika. Katika mitandao ya kijamii lolote linaweza kuandikwa lakini haimaanishi kila kinachoandikwa kina ukweli. Hizo ni habari za mitandaoni tu,"amesema Chama

Chama anatarajiwa kuongeza mkataba kuendelea kukipiga Msimbazi kwa muda mrefu zaidi pale atakaporejea baada ya changamoto ya corona kumalizika