Kocha Mkuu wa Simba, mabingwa wa nchi Sven Vandenbroeck amesema kwa sasa anafurahia ushiriano anaopata kutoka kwa makocha wenzie wa benchi la ufundi la timu hiyo
Akijibu maswali ya mashabiki katika kipindi cha ChatNa leo, Sven amesema kwa sasa kila kitu kiko sawa
Mbelgiji huyo amekiri mwanzoni alikabiliwa na changamoto ya mawasiliano
"Mwanzoni kufanya nao kazi haikuwa rahisi lakini ukiliangalia sasa utaona tunashirikiana sana na hata ukiangalia moja ya picha iliyopigwa na mtu wetu wa habari utaona kwamba kila kitu kinafanyika vizuri," amesema
Sven na kocha msaidizi Selemani Matola wanakaribia kuiwezesha Simba kutwaa ubingwa wa ligi kuu kwa msimu wa tatu mfululizo
Kwa sasa ligi imesimama huku Simba ikiwa kileleni mwa msimamo na alama za 71, alama 17 zaidi ya Azam Fc inayoshika nafasi ya pili
Ligi itakaporejea Simba itahitaji kushinda mechi tano tu kati ya 10 zilizosalia ili kutwaa ubingwa
