Mshambuliaji wa Simba, Miraji Athuman, amesema mazoezi ya wiki mbili yatamfanya arejee katika ubora wake ambao alikuwa nao kabla ya kupata majeraha
Miraji aliyekuwa nje kwa zaidi ya miezi minne kutokana na majeraha ya enka, amesema anafanya mazoezi ya kunyonga baiskeli kwa ajili ya kujiweka sawa kabla ya kurudi rasmi uwanjani.
Miraji alisema mazoezi hayo ya wiki mbili yatamfanya arudi katika kiwango chake kilichozoeleka
"Nilipewa mazoezi ambayo naendelea kufanya ili kurejea kwenye ubora wangu, kwa muda wa wiki mbili nitakuwa ninaendesha kibaiskeli maalumu kwa ajili ya kujiweka sawa," alisema Miraji.
"Ninamshukuru Mungu afya yangu imeimarika, nimefuata maelekezo yote niliyokuwa napewa na daktari wangu, ninajuwa mashabiki wangu wana kiu ya kuniona, nawaahidi nitarejea kwa kasi ile ile," Miraji alisema.
