Akiwa ndio kwanza amejiunga na mabingwa wa nchi Simba, kiungo mshambuliaji Luis Miquissone amekuwa gumzo miongoni mwa mashabiki wa Simba
Ni kwa sababu ya mambo makubwa anayofanya tangu alipotua Msimbazi usajili wa dirisha dogo
Mwamba huyo anayetumia jezi namba 11 amefanikiwa kutupia mabao matatu kwenye ligi
Kasi hiyo imemuibua mshambuliaji wa zamani wa Simba Mussa Mgosi ambaye kwa sasa ni kocha wa timu ya Wanawake 'Simba Princess'
Ngosi amesema anajisikia faraja kumuona Miquissone akifanya vizuri huku akiwa ndani ya uzi namba 11 ambao yeye aliutumia wakati akicheza hapo Msimbazi
"Nafurahi kumuona Miquissone anafanya vizuri. Nadhani ni moja ya sajili bora zilizofanywa na Simba msimu huu. Kinachonifurahisha zaidi ni kuona anaitendea haki jezi namba 11 ambayo mimi niliitumia kwa miaka mingi"
Mgosi amesema Miquissone ana nafasi ya kujitengenezea ufalme kunako klabu ya Simba kama hatabweteka na mafanikio alioanza kuyapata mapema
"Asibweteke, na ajiepushe kujiingiza kwenye mambo ambayo yanaweza kumpunguza kasi"
