Uongozi wa Simba umesema kuwa bado unafanya jitihada kuwarudisha nchini nyota wake raia wa kigeni ambao walirejea makwao kwa ajili ya majukumu ya timu za Taifa
Meneja wa Simba Patrick Rweyemamu amesema kumekuwa na changamoto kuwarudisha nyota hao kutokana na masharti magumu yaliyowekwa na nchi zao kutokana na janga la corona
Kama ligi itarejeshwa mapema huenda Simba ikaanza kampeni ya kumalizia mechi zilizobaki bila ya nyota hao kwani hata pale watakaporejea nchini watapaswa kukaa karantini kwa siku 14
Nyota ambao wamekwama kwenye nchi zao ni Meddie Kager (Rwanda), Sharaff Shiboub (Sudan), Francis Kahata (Kenya) na Clatous Chama (Zambia)
Rweyemamu amesema wanaendelea kuwasiliana na mamlaka za nchi husika ili kuona jinsi wanaweza kuwarejesha mapema
“Rwanda na Kenya mipaka imefungwa kabisa, hakuna kuingia wala kutoka ndege, unadhani tunaweza kuwasafirisha vipi wachezaji wetu?"
"Hao wa nchi nyingine hata kama wanaruhusiwa kama vile Chama lakini hakuna Shirika la ndege linalofanya kazi zaidi ya Ethiopia, hivyo lazima tusubiri," amesema.
Meneja huyo amesema wachezaji wote wanatakiwa kuendelea kufanya mazoezi na benchi la ufundi lilishapanga program maalum ya kufanya wakiwa nyumbani.
