Mtendaji Mkuu wa Simba Senzo Mazingisa amesema kwa sasa klabu hiyo bado haijaanza michakato yoyote ya usajili lakini amekiri kuwa kwenye mazungumzo na baadhi ya nyota ambao mikataba yao inaelekea ukingoni
Kumekuwa na tetesi nyingi ambazo zinawahusisha baadhi ya nyota wa Simba hasa wale ambao mikataba yao inamalizika kuhusishwa na timu nyingine
"Sisi bado hatujaanza usajili, hizo tetesi siwezi kuzizungumzia, Lakini kwenye usajili wetu tutazingatia zaidi ripoti ya Mwalimu," alisema Senzo
"Wachezaji wote ambao Mwalimu amewataka, wataendelea kubaki hapa. Mashabiki wetu hawapaswi kuwa na hofu yoyote"
Baadhi ya wachezaji muhimu wa kikosi cha kwanza wako ukingoni mwa mikataba yao na inaelezwa kuna timu zimeanza kuwanyemelea
Sharaf Shiboub, Hassan Dilunga, Clatous Chama na Deo Kanda ni miongoni mwa wachezaji hao ambao mpaka sasa bado hawajapewa mkataba mipya
Wengine ni Mzamiru Yassin, Paschal Wawa, Yusufu Mlipili, Gerson Fraga, Tairone Da Silva na Said Ndemla
