Kiungo wa zamani wa Simba kiraka James Kotei amesema kuwa iwapo mabosi wake hao wa zamani watahitaji saini yake hana tatizo nao kwani hawakuachana vibaya.
Kotei aliibuka kuwa kiungo bora wa Simba kwa msimu wa 2018/19 walipotwaa ubingwa wa Ligi Kuu Bara
Hata hivyo aliondoka Simba mwishoni mwa msimu huo baada ya kupata ofa nono kutoka klabu ya Kaizer Chiefs inayoshiriki ligi kuu ya Afrika Kusini
Amesema hawezi kukataa kurejea kunako mabingwa hao wa nchi, timu aliyoitumikia kwa mafanikio makubwa
"Ubora wa Simba hakuna ambaye anaweza kugoma kufanya kazi kutokana na ushirikiano uliopo na ukizingatia kwamba sikugombana na viongozi.
"Iwapo itatokea kila kitu kimekwenda sawa nitarudi kuvaa jezi ya Simba kazi yangu ni mchezaji sichagui kambi," amesema.
Kwa sasa Kotei yuko huko Belarus akicheza soka la kulipwa
