Pamoja na baadhi ya wachezaji ambao mikataba yao inaelekea ukingoni hawana nafasi kwenye kikosi cha kwanza, uongozi wa Simba umedhamiria kuwaongeza mikataba mipya
Kocha Mkuu wa Simba Sven Vandenbroeck alipendekeza baadhi ya wachezaji hao kupewa mikataba mipya lakini wengine wanaweza kutolewa kwa mkopo kwenda timu nyingine ili kuwaimarisha
Mtendaji Mkuu wa Simba Senzo Mazingisa amesema kabla ya kuanza kuwasajili wachezaji wapya, watawabakisha wale wote ambao mikataba yao inamalizika kulingana na mapendekezo ya Sven
"Tunabajeti ya kutosha kukamilisha dili za wachezaji hao muhimu wote ambao mwisho wa msimu huu wanamaliza mikataba
"Halitakuwa jambo la kupendeza mnasajili wachezaji wapya wakati tuliokuwa nao ndani wanamaliza mikataba yao halafu tutashindwa kuongea nao lolote. Itakuwa si heshima kwa upande wao, ndio maana tunataka kuweka nguvu kubwa kwa ambao tunao na baada ya hapo mipango mingine itafuata"
Simba inatarajiwa kufanya usajili 'kabambe' kwa ajili ya michuano ya ligi ya mabingwa barani Afrika msimu ujao
