Mlinda lango namba moja wa Simba na timu ya Taifa, Aishi Manula amesema ni wachezaji wachache ambao katika maisha yao ya soka hupata nafasi ya kushiriki michuano mikubwa kama AFCON
Manula amesema nafasi aliyoipata kushiriki michuano hiyo mwaka uliopita ni heshima kubwa kwake
Amesema fainali hizo zilizofanyika mwaka uliopita nchini Misri zimeongeza thamani kwenye maisha yake ya soka, hivyo anajivunia na sasa atamani kushiriki Kombe la Dunia na kikosi cha timu ya Taifa, ‘Taifa Stars’.
"Kupitia Afcon uzoefu niliopata natamani kushiriki fainali za Kombe la Dunia na timu ya taifa na inawezekana kama mipango itakaa sawa, kila mchezaji anatamani kushiriki michuano mbalimbali katika maisha yake ya soka" amesema
Manula ni miongoni mwa wachezaji 23 waliounda kikosi kilichocheza Fainali za Mataifa ya Afrika baada ya miaka 39 bila kushiriki michuano hiyo mikubwa Afrika ambayo pia timu hiyo ilifanya vibaya kwani iliondolewa katika hatua za makundi.
Aidha kipa bira huyo kwa misimu mitatu mfululizo ligi kuu ya Tanzania bara, amesema mafanikio yanayopatikana ndani ya Simba yanatokana na muunganiko mzuri kuanzia kipa kwa kushirikiana na wachezaji wengine wanaunda kikosi hicho.
Pia alimpongeza kocha wa makipa wa timu yao, Muharami Mohamed, kwani amekuwa msaada mkubwa na anawapa nafasi ya kutoa maoni kwa makosa yanayojitokeza kwenye michezo wanayocheza
