Beki kisiki wa mabingwa wa nchi, Pascal Wawa, amesema kuwa kila mmoja anapaswa kuchukua tahadhari kubwa na virusi vya corona, ni ugonjwa hatari
Baada ya Simba kutoa mapumziko kwa wachezaji wake, Wawa hakurejea kwao Ivory Coast ambapo amebainisha kuwa amekuwa akifanya mazoezi binafsi kujiweka fiti lakini pia akichukua hatua muhimu kujikinga na ugonjwa huo
"Nipo nyumbani, hali bado haijawa nzuri kwa sasa tunaomba Mungu mambo yarudi kama zamani. Tunapaswa kuchukua tahadhari kuhusu ugonjwa huu hatari," alisema Wawa
Nyota huyo aliyewahi kuitumikia Azam Fc na kuisaidia kupata ubingwa wa Ligi Kuu msimu wa 2013/14, amesema anaamini changamoto ya maradhi haya itakapopungua, wapenzi na mashabiki wa soka wataendelea kupata burudani ambayo tayari wameikosa kwa wiki mbili
