Mshambuliaji wa zamani wa Azam Fc Kipre Tchetche ni miongoni mwa wachezaji ambao wanatajwa kuwaniwa na mabingwa wa nchi, Simba
Wengi watakuwa wanamfahamu nyota huyu ambaye aliitumikia Azam Fc kati ya mwaka 2011 na 2016 akitengeneza pacha hatari na John Bocco ambaye kwa sasa ni nahodha wa Simba
Tchetche raia wa Ivory Coast kwa sasa yuko Malaysia akiitumikia klabu ya Kedah inayoshiriki ligi kuu ya nchi hiyo
Msimu uliopita Tchetche aliibuka mfungaji bora wa ligi hiyo, inaelezwa viongozi wa Simba wamekuwa wakimfuatilia kwa muda sasa na wameridhishwa na uwezo wake
Tchetche alikuwa kwenye kikosi cha Azam Fc kilichotwaa ubingwa wa ligi kuu msimu wa 2013/14 kikiwa na Bocco na Paschal Wawa ambao sasa wako Simba
Hata hivyo msimu huu Simba haifanyi usajili kwa kukurupuka
Mtendaji Mkuu wa mabingwa hao watarajiwa Senzo Mazingisa amedokeza kuwa jukumu la kuwafuatilia wachezaji wanaotaka kuwasajili linafanywa na kampuni mahsusi
Wachezaji wote watafanyiwa tathmini na kisha mapendekezo yatatolewa lakini moja ya vigezo ambavyo vitazingatiwa ni umri
