Beki kisiki wa Simba Paschal Serge Wawa amesema pamoja na kuwa wako majumbani kutokana na janga la Corona, wanaendelea kufanya mazoezi binafsi na watarejea wakiwa imara
Wawa ambaye mpaka sasa amekuwa na msimu mzuri, amesema kocha Sven vandenbroeck aliwapa program ya mazoezi ambayo anaamini itawaimarisha
Beki huyo raia wa Ivory Coast amesema malengo yao ni kutetea ubingwa wanaoushikilia kwa misimu miwili, hivyo hakuna mchezaji anabweteka mpaka wahakikishe wametwaa ubingwa
"Mimi naendelea na mazoezi, wachezaji wote tulipewa program ambayo tunapaswa kuikamilisha kabla ya ligi kurejea," amesema Wawa
"Najua kila mchezaji huko aliko anafanya mazoezi kwani kama wachezaji tulijiwekea malengo kuwa tukirudi tukamilishe ligi kwa kushinda ubingwa mapema"
"Hatuwezi kubweteka kwani tunafahamu pamoja na kuwa tunaongoza kwa alama nyingi, tukizembea lolote linaweza kutokea. Mechi za mwisho mara nyingi zinakuwa na ushindani"
Mwazi Juni Wawa atakamilisha msimu wake wa pili akiwa na klabu ya Simba lakini tayari mazungumzo ya kumuongezea mkataba mpya yameanza
