Baada ya kumkosa kwenye dirisha dogo, klabu ya Simba inaelekea itafanikiwa kumnasa beki kisiki wa Coastal Union Bakari Nondo Mwamnyeto ambaye pia yuko timu ya Taifa ya Tanzania 'Taifa Stars'
Inaelezwa mazungumzo ya kumsajili nyota huyo yalifanyika tangu mwaka jana lakini changamoto iliyokuwepo ni dau kubwa la usajili ambalo klabu ya Coastal Union ilitaka
Coastal Union ilikuwa tayari kumuuza Mwanyeto kwa Tsh Milioni 80 dau ambalo walilipandisha baada ya Simba na Yanga zote kugongana zikimuwania mlinzi huyo chipukizi
Lakini inaelezwa mkataba wake na Coastal Union umebaki mwaka mmoja na mazungumzo mapya yamefanyika, mabosi wa Simba wakiwa tayari kutoa kiasi hicho cha fedha waweze kumsajili
Aidha zipo taarifa kuwa nyota huyo ameandaliwa mkataba wa miaka mitatu
Simba inatarajiwa kuongeza nguvu safu yake ya ulinzi ili kuhakikisha inakuwa imara kuelekea michuano ya ligi ya mabingwa barani Afrika msimu ujao
