Baada ya kumkosa kwenye dirisha kubwa la usajili, uongozi wa Simba umeanza tena kuisaka sahihi ya mshambuliaji wa Orlando Pirates Justine Shonga, raia wa Zambia
Taarifa za uhakika ni kuwa mpango huo unasimamiwa na Mtendaji Mkuu Senzo Mazingisa ambaye ni raia wa Afrika Kusini
Senzo pia ndiye aliyepindua meza kibabe kwa usajili wa Luis Miquissone ambaye awali alikuwa mbioni kujiunga na Yanga
Wakati Yanga wakifanya mazungumzo na Miquissone, Senzo alitumia wenyeji wake Afrika Kusini kwenda moja kwa moja kuzungumza na mabosi wake Mamelodi Sundowns na baadae kumshawishi mchezaji huyo kujiunga na Simba
Senzo amewahi kufanya kazi klabu ya Pirates hivyo hatakuwa wakati mgumu kukamilisha dili hili
Simba imepania kuimarisha kikosi chake kwa ajili ya michuano ya ligi ya mabingwa ili kuhakikisha msimu ujao wanafika mbali kama walivyofanya mwaka juzi
