Wachezaji wote wa vikosi vya Simba kuanzia timu ya vijana, Wanawake na kikosi cha kwanza wamerejeshwa makwao ambapo watakuwa chini ya uangalizi maalum
Wachezaji wa timu ya vijana na ile ya Wanawake watakuwa nje kwa muda wa siku 14 ambapo katika muda huo watapewa utaratibu wa kufanya mazoezi
Aidha kwa wachezaji wa kikosi cha kwanza cha Simba, wao watakuwa nje kwa siku saba wakiwa makwao wakisubiri taratibu nyingine baada ya muda huo kupita
Nao wafanyakazi wa klabu ya Simba wataendelea na majukumu yao wakiwa majumbani kwao kwa muda wa siku saba nao wakisubiri utaratibu mwingine baada ya muda huo kupita
Kwa wale wa nje wameshauriwa kutosafiri kutokana na makatazo yaliyowekwa na nchi mbalimbali duniani
Madaktari wa klabu ya Simba watawapima wachezaji na wafanyakazi wote pale watakaporejea kutoka mapumziko
