Uongozi wa klabu ya Simba unafanya mazungumzo ya kuwaongezea mikataba baadhi ya nyota wake ambao mikataba yao iko mbioni kumalizika
Kwa miaka mingi, Simba pamoja na vilabu vingi hapa Tanzania vimekuwa na utaratibu wa kusubiri mikataba ya wachezaji imalizike kabisa ndio waanze mazungumzo ya mikataba mipya
Utaratibu huu hupelekea vilabu kuingia gharama kubwa wakati dirisha la usajili linapofunguliwa hasa inapotokea nyota waliomaliza mikataba wanawaniwa na timu nyingine
Azam Fc ni timu ya kwanza hapa Tanzania kutumia utaratibu wa kuwaongezea mikataba nyota wao kabla ya awali kumalizika
Mmoja wa viongozi waandamizi wa Simba amesema nyota wote ambao Simba inawahitaji kuendelea nao watapewa mikataba mapema
Wachezaji ambao mikataba yao inamalizika mwishoni mwa msimu ni pamoja na Paschal Wawa, Sharaff Shiboub, Mzamiru Yassin, Said Ndemla, Yusuph Mlipili, Shiza Kichuya (mkopo) na Deo Kanda (mkopo)
Wengine ni Gerson Fraga na Tairone Da Silva
