Kikosi cha mabingwa wa nchi Simba kinaendelea na mazoezi Mo Simba Arena kujiandaa na mechi za ligi kuu ya Vodacom zilizobaki
Vinara hao wa ligi ambao wanahesabu siku tu waweze kutangazwa mabingwa kwa msimu wa tatu mfululizo, mchezo unaofuata watacheza na Ruvu Shooting
Baada ya Shirikisho la soka barani Afrika (CAF) kusitisha michuano ya CHAN ambayo ilipaswa kufanyika kuanzia mwezi ujao, nyota wa timu hiyo waliokuwa timu ya Taifa wanatarajiwa kurejea kuungana na wenzao
Pengine ratiba ya Ligi Kuu itaendelea kama kawaida mwishoni mwa wiki iwapo TFF haitachukua uamuzi wa kusimamisha ligi kama zilizvyo nchi nyingine nyingi kutokana na mlipuko wa virusi vya Corona
Jana Serikali ilithibitisha Corona kuingia nchini baada mgonjwa wa kwanza kugundulika mkoani Kilimanjaro
