Mohammed Hussein 'Mmachinga' ndiye mchezaji anayeshikilia rekodi ya kufunga mabao mengi kwenye msimu mmoja wa ligi kuu ya Tanzania Bara
Nyota huyo wa zamani wa timu ya Taifa na Yanga, mwaka 1999 aliweka rekodi ya kufunga mabao 26, rekodi ambayo hakuna mchezaji aliyeweza kuivunja mpaka leo
Hata hivyo Mmachinga amekiri kutokana na kasi ya mshambuliaji wa Simba, Meddie Kagere, anaweza kufikia rekodi hiyo iliyodumu kwa miaka 21
"Ingawa kasi yake ya kufunga inapanda na kushuka ninampa asilimia 90, Kagere atafikisha rekodi niyoiweka na huenda akaivunja kwa sababu bado timu yake ina mechi nyingi za kucheza lakini pia anapewa nafasi kubwa ya kufunga ndani ya Simba," alisema Mmachinga.
Kwa sasa Kagere anoongoza baada ya kufunga mabao 19 baada ya timu yake ya Simba kucheza michezo 28.
Msimu uliopita, Kagere alifunga mabao 23 na kutwaa tuzo ya ufungaji bora wa Ligi Kuu Bara.
Msimu huu anahitaji kufunga mabao nane kutoka mechi 10 zilizobaki ili kuvunja rekodi hiyo
