Mtendaji Mkuu wa klabu ya Simba Senzo Mazingisa ameeleza kushangazwa na kusambaa kwa taarifa zisizo na ukweli zinazodai kuwa Kocha Mkuu wa Simba Sven Vandenbroeck amempeleka timu ya vijana (Simba B) kiungo fundi Ibrahim Ajib
Senzo ameeleza kushangazwa na kuenezwa taarifa nyingine zisizo na ukweli kuhusu klabu yake
"Jambo hilo halikufanyika, hakuna ukweli wowote. Kumekuwa na taarifa nyingi ambazo hazina ukweli zimesambazwa mara kwa mara. Ni jambo linalonishangaza," alisema Mazingisa
Habari hiyo iliibuka baada ya kupotoshwa kwa taarifa ya kocha Sven kupanga mchezo wa kirafiki kati ya wachezaji ambao wamekosa nafasi kwenye kikosi cha kwanza cha Simba dhidi ya Simba B
Mchezo huo unatarajiwa kupigwa siku ya Ijumaa, ambapo Ajib pamoja na nyota wengine ambao hawana nafasi kikosi cha kwanza watacheza
