Ni suala la muda tu mabingwa wa nchi Simba wanarejesha ubingwa wao kwenye makabati ya pale Msimbazi kwa msimu wa tatu mfululizo
Ushindi katika mechi tano zijazo utaiwezesha Simba kumaliza msimu mapema tu wakiwa mabingwa pamoja na mechi zao tano mkononi
Huko kwenye mbio za kuwania kiatu cha dhahabu, nako ni kama mchele tayari umejitenga na chuya, Meddie Kagere anaongoza mbio akiwa amefunga mabao 19
Mabao nane zaidi ya wanaomfuata ambao ni Yusuf Mhilu (Kagera Sugar), Paul Nonga (Lipuli Fc) na Reliant Lusajo (Namungo Fc). hawa wote kila mmoja amefunga mabao 11
Huu utakuwa msimu wa pili mfululizo Kagere anaibuka mfungaji bora, msimu uliopita akitwaa kiatu cha dhahabu baada ya kufunga mabao 23
Kazi aliyobaki nayo Kagere msimu huu ni kuhakikisha anavunja rekodi yake aliyoweka msimu uliopita
Ana mechi 10 za kufunga mabao matano ili kuvunja rekodi hiyo
