Sven alitaka mabao zaidi mechi ya Singida United

Pamoja na kuwapa pole Singida United kwa kufumuliwa mabao 8-0 na Simba jana, Mkufunzi wa mabingwa hao watetezi Sven Vandenbroeck amesema, timu yake ingefunga mabao zaidi kama washambuliaji wake wangekuwa makini

Simba ilitawala mchezo huo uliopigwa uwanja wa Uhuru kwa muda wote na pengine mabao zaidi yangefungwa kwenye kipindi cha pili baada ya Haruna Moshi kutolewa nje kwa kadi nyekundu

Hata hivyo Sven amewapongeza vijana wake kwa kazi nzuri kwa kujiongezea mabao nane na alama tatu muhimu

"Nawapa pole wapinzani lakini nafikiri tungekuwa makini zaidi kipindi cha pili tungefunga zaidi"