Kagere apiga hat-trik ya sita VPL

Mshambuliaji hatari wa Simba Meddie Kagere, mabao yake manne aliyofunga kwenye mchezo dhidi ya Singida United jana, yamemfanya awe mchezaji wa sita kufunga hat-trik msimu huu

Aidha Mnyarwanda huyo amezidi kujichimbia kileleni katika mbio za kuwania kiatu cha dhahabu baada ya kufikisha mabao 19

Akizungumza baada ya kukabidhiwa mpira wake jana, Kagere alisema ataendelea kufunga mara nyingi kadiri anavyopata nafasi

"Nikipata nafasi natumia, kila nafasi ninayopata inabidi niitumie sababu kama mshambuliaji natakiwa kufunga magoli. Hakuna kinachohitajika zaidi ya kufunga magoli," alisema Kagere

Bosi huyo wa safu ya ushambuliaji ya Simba anaweza kuivunja rekodi yake ya mabao 23 aliyofunga msimu uliopita