Pamoja na kuwapongeza Yanga kwa kuweza kushinda mchezo wa watani wa jadi jana, Mwenyekiti wa Bodi ya Wakurugenzi klabu ya Simba Bilionea Mohammed Dewji 'Mo' ametamani kukutana tena na Yanga kwenye michuano ya kombe la FA
Simba na Yanga zote zimetinga robo fainali ya michuano hiyo na lolote linaweza kutokea kwenye droo ya raundi ya sita
"Hongereni Sana wana Yanga. Mungu akitujalia tutakutana kwenye FA," aliandika Mo kwenye ukurasa wake wa mtandao wa kijamii
Pamoja na kupoteza mchezo huo, takwimu za dakika 90 zinaonyesha ni Simba iliyotawala mchezo na kutengeneza nafasi nyingi zaidi kuliko wapinzani wao Yanga
Hata hivyo kukosekana kwa umakini kwa washambuliaji kuliinyima Simba nafasi ya kuondoka na angalau alama moja
ADVERTISE HERE
