Nahodha wa Simba John Bocco amesema kukosekana kwa umakini kwenye mchezo dhidi ya Yanga jana, kumepelekea wakapoteza mchezo huo kwa kufungwa bao 1-0
Akizungumza baada ya mchezo jana, Bocco alisema walitengeneza nafasi nyingi lakini walishindwa kuzitumia
Amesema anatambua kuwa matokeo hayo yamewaumiza mashabiki lakini hata wao wachezaji ni matokeo ambayo hawakuyatarajia
"Haikuwa kazi nyepesi kwani tulipambana kupata matokeo mambo yakawa magumu kwetu, wapinzani wetu walikuwa vizuri na walitumia nafasi moja waliyoipata tofauti na sisi tulishindwa kuwa makini kuzitumia nafasi tulizozipata.
"Tunajua hali ya mashabiki ilivyo hata sisi pia hatujapenda kupata matokeo haya ila tunawaomba waendelee kutupa sapoti kwani mechi bado zipo nyingi tutafanya vizuri," amesema
