DJuma atetea mfumo wake

Kocha wa Simba Madoud djuma amewaambia wanaokosoa mfumo wake anaoutumia wa sasa kwamba waache mazoea.

Wakosoaji hao wanadai kuwa mfumo unaotumiwa na kocha huyo umekuwa mgumu kwa baadhi ya wachezaji kwa mfano Shiza Kichuya ambaye mfumo huo unamfanya wakati mwingine kucheza akiwa na majukumu ya mlinzi wa kushoto wakati timu inashambuliwa.

“Watanzania waache mambo ya mazoea, mpira wa kileo kila mchezaji anakaba na kushambulia hakuna mpira ambao wachezaji wengine wanakaba wengine wanasubiri, mpira huo hakuna leo.”

“Angalia timu kubwa zote kila mchezaji anakuwa na majukumu sawa, kama uliangalia mechi ya Liverpoo na Manchester City utakuwa umeona kila mtu anakaba hakuna mchezaji ambaye hakabi uwanjani, ndio mpira wa kileo unakaba na kushambulia.”

“Ukiwa uwanjani kila mchezaji lazima ukabe usaidie wenzako, tukabe kama timu na kushambulia kama timu ndio mpira wa kisasa, mkitaka mpira wa kizamani wengine wanakaba huku wengine wanasubiri huo mpira haupo.”

Masoud ameiongoza simba katika mechi tano (moja ya ligi kuu, nne za Mapinduzi Cup) katika mechi hizo ameshinda mechi mbili moja ya ligi kuu (Ndanda 0-2 Simba) nyingine ya Mapinduzi Cup (Simba 3-1 Jamhuri) sare moja moja (Simba 1-1 Mwenge) huku akipoteza mechi mbili zote za Mapinduzi Cup (Simba 0-1 Azam, Simba 0-1 URA)