Mshambuliaji wa Simba kinara wa mabao Meddie Kagere anafukuzia rekodi ya kufunga kwenye mechi tatu mfululizo za watani wa jadi
Kagere aliyetua Simba mwaka juzi akitokea klabu ya Gor Mahia, msimu uliipita aliitunga Yanga kwenye mchezo wa raundi ya pili ligi kuu ya Vodacom
Alifunga bao pekee kwenye mchezo huo uliomalizika kwa Simba kushinda bao 1-0
Lakini pia kwenye mchezo wa Januari 04, Kagere alifunga bao la kwanza la Simba kabla ya Deo Kanda kuongeza la pili katika mchezo huo ambao ulimalizika kwa sare ya mabao 2-2
Nyota huyo raia wa Rwanda achohitaji kufanya siku ya Jumapili ni kufunga tena ili kuingia kwenye vitabo vya kumbukumbu akiungana na kina Shiza Kichuya, Kitwana Manara, Madaraka Selemani na Amissi Tambwe
Lakini pia mwamba huyo anayeongoza kwa mabao msimu huu, ana nafasi kuifukuzia rekodi ya mkongwe Abdallah Kibaden ambaye ni mchezaji pekee aliyefunga hat-trik katika mchezo kati ya Simba na Yanga
