Mwenyekiti wa Bodi ya Wakurugenzi klabu ya Simba Bilionea Mohammed Dewji 'Mo' amemkaribisha Rais wa Shirikisho la Soka Barani Afrika (CAF) Ahmad Ahmad ambaye atakuwa nchini kwa ziara ya siku tatu
Ahmad anatarajiwa kuwa mgeni rasmi wa mchezo wa watani wa jadi kati ya Yanga dhidi ya Simba ambao utapigwa Jumapili, March 08
Mo amemuahidi burudani ya kandanda safi kutoka kwa mabingwa hao wa nchi
"Asante Rais Ahmad kwa kuitikia wito wetu kuja Tanzania uone maendeleo ya mpira nchini na kuwa mgeni rasmi kwenye DarDerby jumapili hii"
"Simba tumejipanga kukupa mapokezi ya kipekee utakapofika nchini"
"Tunatarajia kukuona hivi karibuni Mhe. Rais! Wanasimba, tujitokeze kwa wengi tumuonyeshe Rais wetu namna tunaipenda timu yetu kwa kushangilia kwa nguvu muda wote wa mchezo," ameandika Mo kwenye ukurasa wake wa mtandao wa kijamii
