Mabingwa wa nchi Simba leo wameendeleza wimbi la ushindi uwanja wa Taifa baada ya kuichapa Azam Fc mabao 3-2 katika mchezo mkali uliopigwa jioni ya leo
Simba iliuanza mchezo huo taratibu pengine hali hiyo ikichangiwa na timu kuchelewa kufika uwanjani kutokana na hali ya mvua
Waliwapa nafasi Azam Fc kupata bao la kuongoza kwenye dakika ya tano likifungwa na Tigere
Hata hivyo kuingia kwa bao hilo kuliiamsha Simba ambayo ilianza kupiga kandanda la kutisha na kufanikiwa kurudisha bao hilo dakika nne baadae mfungaji akiwa Erasto Nyoni
Kwenye dakika ya 16 Deo Kanda akaongeza bao la pili na kuiweka Simba mbele mpaka wakati wa mapumziko
Kipindi cha pili Azam walirejea na kasi walioanza nayo na wakafanikiwa kusawazisha bao kupitia kwa Iddi Selemani 'Nado'
Lakini bingwa ni bingwa tu, kwani Meddie Kagere 'MK14' aliihakikishia Simba ushindi muhimu kwa kufunga bao safi kwenye dakika ya 72
Matokeo haya yaliyoambatana na kandanda safi ni salamu kwa klabu ya Yanga ambayo siku ya Jumapili itakutana uso kwa uso na vijana wa Sven Vandenbroeck ambao wanauwasha moto kwelikweli
