Kikosi cha mabingwa wa soka Tanzania Bara Simba kinaendelea na mazoezi uwanja wa Mo Simba Arena kujiandaa na mchezo dhidi ya Azam Fc ambao utapigwa kesho Jumatano
Baada ya ushindi wa mabao 2-0 dhidi ya KMC juzi, Simba ilirejea mazoezi jana kujiwinda na mchezo huo
Hesabu kali za Simba ni kuhakikisha inaondoka na alama zote tatu kwenye mchezo huo unaotarajiwa kuwa na ushindani mkali
Msimu huu Simba imepata matokeo mazuri dhidi ya Azam Fc, ikishinda michezo miwili iliyozikutanisha timu hizo
Ilianza kwa ushindi wa mabao 4-2 mchezo wa Ngao ya jamii kisha kushinda bao 1-0 kwenye mchezo wa kwanza wa ligi
Mkufunzi wa Simba Sven Vandenbroeck amesema wanatarajia kupata upinzani mkali kutoka kwa Azam Fc kwani ni moja ya timu bora kwenye ligi
Lakini amesisitiza kuwa malengo yao ni kushinda mchezo huo
