Nahodha wa Simba John Bocco amesema baada ya ushindi wa mabao 2-0 dhidi ya KMC, sasa wanaelekeza nguvu zao kuelekea mchezo unaofuata dhidi ya Azam Fc
Bocco jana aliongoza safu ya ushambuliaji akishirikiana na Luis Miquissone baada ya Meddie Kagere kuugua. Amesema kwa sasa hawaufikirii mchezo dhidi ya Yanga kwani wanahitaji kumalizana na Azam Fc kwanza
"Ushindi tunaopata unatuongezea hali ya kujiamini kuelekea mechi zetu dhidi ya Azam na Yanga. Tuna siku mbili za kujiandaa kabla ya kukutana na Azam na ndio mechi tunayo iangalia kwa sasa kabla ya kukutana na Yanga," amesema Bocco
Mchezo dhidi ya Azam Fc utapigwa keshokutwa Jumatano kwenye uwanja wa Taifa wakati ule dhidi ya Yanga utapigwa Jumapili
Bocco amerejesha makali yake baada ya kupona majeraha ya goti yaliyomuweka nje kwa zaidi ya miezi mitatu
