Mabingwa wa nchi Simba wameendeleza ubabe wao kwenye ligi kuu ya Vodacom baada ya kuichapa KMC mabao 2-0 katika mchezo uliopigwa uwanja wa Taifa usiku wa leo Jumapili
Hakuwa mwingine aliyepeleka furaha Msimbazi, Luis Miquissone nyota aliyetua usajili wa dirisha dogo akitokea huko UD Songo, Msumbiji
Baada ya KMC kukaza kwa takribani dakika 70, Miquissone alihitaji dakika mbili tu kufunga mabao mawili ambayo yamezidi kuisogeza Simba karibu na ubingwa
Nyota huyo raia wa Msumbuji ndio habari ya mjini kwa sasa akiwa ameifungia Simba mabao matatu katika michezo miwili ya ligi iliyopita
Moto anaoendelea kuuwasha ni habari mbaya kwa wapinzani hasa Yanga ambayo huenda wakakumbana nae March 08
Simba imefikisha alama 65, alama 17 zaidi ya Azam Fc inayoshika nafasi ya pili
